Мумбайдики һуҗумда өлгәнләр 195 кә йәткән

Б б с ниң хәвиридә көрситилишичә, мәзкур һуҗумларда бир хитай пуқрасиниң өлгәнликиму хәвәр қилинған иди. Бирақ шәнбә күни һиндистандики хитай әлчиханиси һиндистан даирилириниң бу һуҗумларда хитай пуқрасиниң өлгәнликини инкар қилғанлиқини билдүргән.
 
Бу қетимқи һуҗумда қазаға учриғанларниң мутләқ көп қисими һиндистанлиқлар болуп, буларниң ичидә үч германийилик, бир америкилиқ, бир авистиралийилик, икки японийилик һәмдә башқа дөләтләрдин кәлгән чәтәлликләр бар икән. Лекин чәтәлликләрниң сани анчә көп әмәс. Хитай тәрәп мумбайдики хитай пуқралирини еһтият қилишқа чақирған.

Б б с иниң игилишичә, хәтәргә йолуққан бәш нәпәр хитайниң сақ саламәт һалда хәтәрдин қутулғанлиқи билдүрүлгән. Буларниң ичидә үч нәпәр чоң қуруқлуқлиқ вә икки нәпәр шяңгаңлиқ бар икән.

Хәвәрләрдә ейтилишичә, һиндистан һөкүмити бу қетимқи һуҗумда пакистанниң қоли барлиқини әйиблигән болуп, пакистан тәрәп буниңдин нарази болуп, пакистан - һиндистан чегрисиға һәрбий қошун орунлаштуруп, җиддий вәзийәт үчүн тәйярлиқ қилған шуниңдәк һиндистанниң әйиблишини рәт қилған. Әң йеңи учурлардин қариғанда, бу вәқә мунасивити билән һиндистан ички ишлар министири вәзиписидин истипа беришкә мәҗбур болған.