Mumbaydiki hujumda ölgenler 195 ke yetken

Mumbaydiki hujumlarda ölgenlerning sanining 195, yaridar bolghanlarning 300 neperge yetkenliki xewer qilindi.
Muxbirimiz ümidwar
2008-11-30
Share

B b s ning xewiride körsitilishiche, mezkur hujumlarda bir xitay puqrasining ölgenlikimu xewer qilin'ghan idi. Biraq shenbe küni hindistandiki xitay elchixanisi hindistan da'irilirining bu hujumlarda xitay puqrasining ölgenlikini inkar qilghanliqini bildürgen.
 
Bu qétimqi hujumda qazagha uchrighanlarning mutleq köp qisimi hindistanliqlar bolup, bularning ichide üch gérmaniyilik, bir amérikiliq, bir awistiraliyilik, ikki yaponiyilik hemde bashqa döletlerdin kelgen chet'ellikler bar iken. Lékin chet'elliklerning sani anche köp emes. Xitay terep mumbaydiki xitay puqralirini éhtiyat qilishqa chaqirghan.

B b s ining igilishiche, xeterge yoluqqan besh neper xitayning saq salamet halda xeterdin qutulghanliqi bildürülgen. Bularning ichide üch neper chong quruqluqliq we ikki neper shyanggangliq bar iken.

Xewerlerde éytilishiche, hindistan hökümiti bu qétimqi hujumda pakistanning qoli barliqini eyibligen bolup, pakistan terep buningdin narazi bolup, pakistan - hindistan chégrisigha herbiy qoshun orunlashturup, jiddiy weziyet üchün teyyarliq qilghan shuningdek hindistanning eyiblishini ret qilghan. Eng yéngi uchurlardin qarighanda, bu weqe munasiwiti bilen hindistan ichki ishlar ministiri wezipisidin istipa bérishke mejbur bolghan.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet