Нато баш секретари ливийидики әскири һәрикитини ғәлибилик ахирлаштурғанлиқини елан қилди

Нато баш секретари андрес расмуссән бүгүн ливийә пайтәхти трополини зиярәт қилип, 7 ай давам қилған ливийә пуқралирини қоғдаш әскирий һәрикитиниң ахирлашқанлиқини елан қилди.
Мухбиримиз шөһрәт һошур
2011-10-31
Share

Натониң ливийидики вәзипә муддити 31-өктәбир ахирлишидиған болуп, нато секритариниң бу баянатида 31-өктәбир йерим кечидә берилди. У зиярити давамида ливийә өткүнчи һөкүмәт рәһбәрлиридин мустафа абдулҗелил вә дөләт мудапиә ишлири министири муһәммәд динайслар билән көрүшти.

Расмуссән сөзидә натониң вәзиписиниң шу андин етибарән рәсмий ахирлашқанлиқини елан қилиш билән бирликтә, әгәр өткүнчи һөкүмәт тәләп қилған әһвал астида, бихәтәрлик ишлирида йәнә ярдәмлишидиғанлиқини билдүрди. У йәнә нөвәттә ливийиниң бихәтәрлик ишлириға ярдәм бериш мәсулийитиниң б д т ниң үстидә икәнликини әскәртти.

Нато башлиқи расмуссән, натониң бу қетимқи әскирий һәрикитиниң қурулғандин буянқи әң ғәлибилик һәрикәтлиридин бири икәнликини вә униң ғәлибисидин иптихарлинидиғанлиқини билдүрди.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт