Nato, türkiyining bashqurulidighan bomba iltimasini testiqlidi

Yighin süriyidin kélidighan tehdittin qoghdinishi üchün, türkiyige bashqurulidighan bombidin mudapi'elinish sistémisini orunlashturushni qarar qildi. Bügün bu qararni élan qilghan nato sékrétari ramisson, “Héchqandaq bir küch türkiyige hujum qilishni xiyaligha keltürmisun” dégen bayanliri arqiliq, nato döletlirining türkiye-süriye munasiwetliridiki meydanini yene bir qétim éniq bildürüp ötti.

Bügün bu heqte pozitsiye bildürgen rusiye tashqi ishlar ministiri, kütülmigen halda, rusiyining türkiyining özini qoghdash tirishchanliqigha tosqunluq qilish niyiti yoqluqini bayan qildi. Türkiye hüriyet gézitining bu heqtiki xewiridin melum bolushiche, nöwette natoning terkibide bashqurulidighan bombidin mudapi'elinish sistémisigha ige bolghan döletlerning sani 3 bolup, bular, gérmaniye, gollandiye we amérika؛ bu döletlerdin keltürülidighan patri'ot (wetenperwer) namliq bashqurulidighan bombining türkiyige orunlashturulushi üchün 3heptidin 5 heptigiche waqit kétidu.