Obama amérikining afghanistanda ghelibe qilmighanliqini bildürdi

Amérika awazining xewer qilishiche, prézidént obama afghanistandiki weziyetning iraqtiki weziyet bilen perqliq ikenlikini tekitlep, bu yerdiki qebililerning herxilliqi we ularning oxshash bolmighan meqsetler üchün ish élip baridighanliqini, afghanistandiki weziyetning iraqtikige qarighanda téximu murekkep ikenlikini eskertken. Afghanistan weziyitining murekkepliki tüpeylidin obama hökümiti ötken ayda afghanistan'gha yene 17 ming kishilik qoshun ewetidighanliqini jakarlighan idi.

Obama sözide yene amérika hökümitining afghanistan mesilisige a'it yéngi siyaset yürgüzüshi mumkinlikidin signal bergen bolup, bu munasiwet bilen afghanistan prézidénti xamid karzay obama hökümitining talibanlarning mötidilliri bilen sohbetlishishini qarshi alidighanliqini, öziningmu bundaq söhbetni dawamlashturghanliqini bildürgen.

Shenbe küni amérika tashqi ishlar ministiri héllariy klinton türkiyini ziyaret qilip, türkiye bash ministiri erdoghan we tashqi ishlar ministiri babajan bilen körüshken, u sözide türkiyining amérika üchün muhimliqini tekitlidi shuningdek kéler ayda prézidént obamaning türkiyini ziyaret qilidighanliqini bildürgen. Héllariy klintonning türkiye ziyariti türlük inkaslarni keltürüp chiqardi shuningdek amérikining ottura sherq siyasitide türkiyining muhim rol oynaydighanliqini namayen qildi.