Obamaning shimaliy koriye ishliri boyiche elchisi boswors sé'ulgha yétip kélip pa'aliyitini bashlidi

Prézidént obamaning shimaliy koriye mesilisi boyiche alahide elchisi boswors yekshenbe küni jenubiy koriyining paytexti sé'ulgha yétip kélip, 6 terep söhbitige a'it mesililer boyiche xizmitini bashlidi.
Muxbirimiz ümüdwar
2009-12-06
Share

Birleshme agéntliqning xewer qilishiche, boswors aldi bilen jenubiy koriye terep bilen sözleshkendin kéyin seyshenbe küni piyongyanggha bérip, üch künlük ziyaritini bashlaydiken.

Bu jeryanda u shimaliy koriye tashqi ishlar da'iriliri bilen piyongyangning 6 terep söhbitige qaytip kélishini öz ichige alghan mesililer boyiche pikir almashturidu. Nöwette, shimaliy koriyining yadro mesilisige a'it alte terep söhbiti toxtap qalghan bolup, piyongyangning bir qanche qétim yadro qoralliri siniqi ötküzüshi mezkur söhbetke éghir tesir yetküzgen hemde tereplerni endishige salghan idi.

Emma, obamaning elchisi boswors 3 - chisla londonda amérika bilen shimaliy koriyining ayrim söhbet ötküzüshi mesiliside toxtilip, "aldi bilen köp tereplik söhbet ötküzülmey turup, amérikining hergizmu ikki terep söhbiti ötküzmeydighanliqi"ni eskertken.

Nöwette, amérikining tashqi siyasiy we bixeterlik munasiwetliride jiddiy hel qilishqa tégishlik mesililer süpitide iranning yadro pilani, shimaliy koriyining yadro mesilisi qatarliqlar turmaqta.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet