Ukra'iniye bilen xitay istratégiyilik shériklik munasiwiti ornatqanliqini élan qildi

Xitay dölet re'isi xu jintaw bilen ukra'iniye prézidénti yanukowéch ikki döletning istratégiyilik shériklik munasiwiti ornatqanliqini élan qildi. Xu jintaw bilen yanokowéch düshenbe küni ikki terepning bu heqtiki birleshme axbaratigha imza qoyghan.
Muxbirimiz erkin
2011-06-20
Share

Xu jintaw, sabiq xitay dölet re'isi jyang zémin 2001‏-yili ukra'iniyini ziyaret qilip 10 yildin kéyin, mezkur döletni ziyaret qilghan tunji xitay rehbiri. Analizchilar, xitay ukra'iniye bilen herbiy, awi'atsiye we alem boshluqi jehettiki hemkarliqni kücheytishke alahide qiziqidighanliqini ilgiri sürmekte.

Ukra'iniye sabiq sowét ittipaqining muhim awi'atsiye, alem boshluqi, kémisazliq we herbiy sana'et bazilirining biri idi. Sabiq sowét ittipaqi parchilan'ghandin kéyin, bu yerdiki sana'et esliheliri ukra'iniyige miras qalghan. Analizchilarning ilgiri sürüshiche, gherb elliri xitaygha qoral-yaraq émbargosi qoyghanliqtin xitay izchil ukra'iniye herbiy eslihelirige qizip kelgen.

Xitay ilgiri ukra'iniyining "Waryag" namliq awi'amatkisini sétiwélip, mushu asasta awi'amatka yasashqa bashlighan idi. Xitay awi'amatkisining mushu 2-3 yil ichide pütüp, herbiylerge tapshurulidighanliqigha da'ir xewerler bar.

Ukra'iniyining hazirqi rusiyeperes prézidénti yanukowéch 2010‏-yili prézidéntliq textige chiqip, sabiq prézidént yushénkuning gherbke yéqinlishish siyasitini özgertken we xitay bilen munasiwetni kücheytishke bashlighan idi. Xu jintawning ukra'iniye ziyaritide ikki terep imzalighan soda toxtami üch yérim milyard dollardin ashqan shundaqla xitay ukra'iniyige bir milyard dollar qerz bérishke maqul bolghan.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet