Pakistan da'iriliri ömer Uyghur wexpisi mes'ulining chégradin chiqishini chekligen

Pakistan da'iriliri pakistandiki Uyghur ammiwi teshkilati‏-ömer Uyghur wexpisining mes'ulliridin ömerjan we ekberjan aka-ukilarning chet'elge chiqishini cheklep, ularni islam'abad xelq'ara ayrodromida tosuwalghan.
Muxbirimiz erkin
2011-06-20
Share

Ular ötken jüme küni türkiyide échilidighan sherqiy türkistan ma'arip hemkarliq jem'iyitining sahipxanliqidiki bir yighin'gha qatnashmaqchi bolup yolgha chiqqan idi. Lékin, ular del ayropilan'gha chiqish aldida tosuwélin'ghan bolup, da'iriler ularning uchushi cheklen'gen kishiler tizimlikide ismi barliqini we shu seweblik ayropilan'gha chiqishigha bolmaydighanliqini bildürgen.

Ömerjan we ekberjan aka-ukilar düshenbe küni pakistan saqchi organlirigha bérip, buning sewebini sürüshtürse, da'iriler ulargha pakistandiki xitay elchixanisining telipige bina'en uchush cheklimisi qoyulghanliqini bildürgen.

Ömer Uyghur wexpi pakistanda yashaydighan 2‏-ewlad Uyghurlar teripidin 2008‏-yili qurulghan bolup, mezkur teshkilat qurulghandin buyan her xil medeniy, ijtima'iy we xeyr-saxawet ishliri bilen shughullinip kelgen idi.

Lékin mezkur wexpining pa'aliyiti xitay elchixanisini bi'aram qilip, xitay elchixana xadimliri türlük diplomatik we ijtima'iy wasitiler bilen mezkur wexpining pa'aliyitini chekleshke tirishqan. Hetta ular pakistandiki Uyghur muhajirlirini agahlandurup, ömer wexpining pa'aliyitige qatnashmasliqni telep qilghan idi. Igilishimizche, ömerjan we ekberjan aka-ukilar sot mehkimisige erz qilip, pakistan amanliq da'iriliri üstidin shikayet qilishni qarar qilghan.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet