Özbékistan rusiyining qirghizistanning jenubida herbiy baza qurushigha qarshi chiqti

Özbékistan hökümiti rusiyining qirghizistanning jenubida herbiy baza qurushigha narazi bolmaqta. Fransiye axbaratining bu heqte özbékistan hökümet bayanatchisi jahanning düshenbe bergen bayanatidin neqil élishiche, rusiyining qirghizistanning jenubida herbiy baza qurushining zörüriyiti yoq, mezkur bazining qurulushi rayon bixeterlikige tehdit hem milletler arisida toqunush peyda qilishi mumkin.
Muxbirimiz gülchéhre
2009-08-04
Share

Mushu ayning 1 - küni issiq köl boyida ötküzülgen ottura asiya musteqil döletler kolléktip bixeterlik kélishimi teshkilatigha eza döletlerning bashliqlirining gheyri resmiy yighini jeryanida qirghizistan prézidénti qurmanbék baqiyéf bilen rusiye prézidénti dmitriy médwédéw ikki dölet arisidiki herbiy hemkarliq heqqide söhbetliship, qirghizistanda rusiye herbiy bazisi qurushqa munasiwetlik kélishimning asasi hésablinidighan esletmige qol qoyghan.

Amérika awazi radi'osi özbékche xewiride körsitishiche, özbékistanning qoshnisi qirghizistan hem tajikistanlar bilen bolghan munasiwetliride 1990 - yildiki özbék ‏ - qirghiz urushidin buyan soghuqluq mewjut, issiq köldiki söhbette baqiyéf özbékistan rehbiri kerimof bilenmu ikki dölet hemkarliqliri heqqide hemsöhbette bolghanliqi melum.

Qirghizistanning jenubidiki osh qatarliq jaylarni öz ichige alghan melum bir orunda herbiy qoshunlarni chéniqturush merkizi nami astida rusiyining ikkinchi herbiy bazisi échilishi mumkinliki perez qilinmaqta idi.

Nöwette, bishkekning yénidiki qent rayonida rusiye hawa armiye bazisi mewjut, rusiye ikkinchi herbiy baza achidighan perghane wadisi istratégiye jehettin intayin muhim bolup, Uyghur éli, özbékistan, tajikistan, qirghizistan qatarliq merkiziy asiya rayonlirini baghlaydighan belwaghdur.

Hazirche, rusiye terepning özbékistanning bu naraziliq bayanatigha qandaq inkas qayturghanliqi namelum.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet