Özbékistan 1‏-yanwardin bashlap tajikistanni gaz bilen teminleshni pütünley késip tashlighan

Tajikistan da'irilirining düshenbe küni bildürüshiche, özbékistan 1‏-yanwardin bashlap tajikistanni tebi'iy gaz bilen teminleshni késip tashlighan.
Muxbirimiz erkin
2012-12-31
Share

Bu özbékistanning mushu bir yil ichide tajiklarni gaz bilen teminleshni tunji qétim üzüp qoyushi emes. Özbékistan 2012‏-yili 4‏-ayda bir qétim gaz bilen teminleshni toxtitip qoyghan idi. Biraq bu qétim ottura asiyaning qehritan soghuqida toxtitip qoyuldi. Analizchilarning ilgiri sürüshiche, tajikistan her yili bir milyard 200 milyon kupmétir gazgha éhtiyajliq bolsimu, biraq özbékistan 2012‏-yili tajiklarni 133 milyon kupmétir gaz bilen teminligen we her ming küp métirini 300 dollardin satqan.

Özbékistan ötken seyshenbe küni tajiklarni gaz bilen teminleshni toxtitidighanliqini élan qilghan. Tajikistan bash ministiri aqil aqilof özbékistanni derhal söhbet ötküzüshke chaqirghan idi. Biraq tajikistan tebi'iy gaz shirkiti bayanatchisining fransiye axbarat agéntliqigha bildürüshiche, özbékistan terep aqilofning chaqirigha héchqandaq jawab qayturmighan. Gaz bilen teminleshni némishqa toxtitip qoyghanliqighimu héchqandaq chüshenche bermigen.

Özbékistan ilgiri gaz yitishtürelmeywatqanliqini ilgiri sürüp, 1‏-yanwar tajikistan bilen bolghan toxtam waqti toshqandin kéyin, gaz bilen teminlesh derhal toxtitilidighanliqini élan qilghan. Biraq analizchilarning ilgiri sürüshiche, özbékistanning herikiti tajikistanning amu deryasini boghup, su ambéri we éléktr istansisi qurulushi élip bériwatqanliqidin öch élishni meqset qilghan.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet