Pakistandiki kelkün apitide ölgenlerning sani 1100 din ashti

Pakistanda yüz bérip, bir qanche kündin buyan dawamlishiwatqan éghir kelkun apitide bir milyondin artuq ahale apetke uchrighan bolup, kelkün apitide ölgenlerning sani 1100 gha yetken. Birleshme agéntliqining xewer qilishiche, kelkün apiti heyber - paktonkiwa ölkiside eng éghir bolghan. Peqet swat rayonidila 14600 öy we 22 mektep, su astida qalghan.
Muxbirimiz ümidwar
2010.08.01

Apet penjab ölkisidimu yüz bergen. Kelkün, apet yüz bergen jaylarning sirt bilen bolghan alaqilirini üzüwetken bolup, yardem yetküzüsh we qutuldurush ishliri qiyinchiliqqa duch kelgen. Pakistan hökümiti jiddiy halet élan qilghan.

Bbs agéntliqining xewer qilishiche, pakistanning gherbiy jenubida éléktir istansisi quriwatqan xitay ishchilirimu kelkün apitige uchrighan bolup, üch neper xitay puqrasining iz - dériki bolmighan. Pakistan terep tik uchar ayropilan ewetip, 270 nechche neper xitay ishchisi we injénérini aldi bilen qutquzuwalghan.

Pakistandiki mezkur kelkün apiti yéqinqi 80 yil ichidiki bir qétimliq eng éghir apet bolup hésablinidiken.
Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.