'Urush toxtitishning shert - shara'iti piship yétilmidi'

Isra'iliye bash ministiri exud olmart xelq'ara jem'iyetning ghezzede 48 sa'etlik urush toxtitish chaqiriqini ret qildi.
Muxbirimiz erkin
2008-12-31
Élxet
Pikir
Share
Print

U, urush toxtitish shert - shara'itining téxi piship yitélmigenlikini, lékin "jenubiy isra'iliyining bixeterlik ehwalida yaxshilinish bolsa " urush toxtitishni chetke qaqmaydighanliqini bildürdi.

Isra'iliye, pelestin islamiy herikiti xamasning kontrolliqidiki ghezzege qaratqan hawa hujumini charshenbe küni yene dawamlashturdi. Lékin xamas isra'iliyining jenubidiki rayonlargha yene rakéta qoyup bergen. Xamas rakétalirining zerbe bérish nishani uzarghan bolup, isra'iliyining ichkiri qismidiki bérshiba bazirigha qeder yétip barghan.

Isra'iliye küreshchi ayropilanliri, tik ucharliri bolsa yéqinqi 5 kündin béri xamas nishanlirini bombardiman qilmaqta. Bombardiman xamas bixeterlik küchlirining qarargahi, hökümet binaliri, yer asti etkeschilik tonili we xamas rehberlirining öylirige qaritilghan.

Pelestin hökümet da'iriliri hawa hujumida ölgen pelestinliklerning 391 ge yetkenlikini élan qildi. Xamasning ghezzedin isra'iliye zéminigha qoyup bergen rakéta hujumida hazirgha qeder 4 neper isra'iliyilik ölgen. Isra'iliye bash ministiri exud olmart charshenbe küni hökümetning ichki kabinét yighinidin kéyin urush toxtitishqa shert - shara'itning piship yitélmigenlikini jakarlap, " eger shert ‏ - shara'it piship yétilse, biz diplomatik netije jenubiy isra'iliyining bixeterlikini saqlashqa yaraydu dégen nuqtigha kelsek, urush toxtitishni oylishimiz, lékin hazirqi ehwal bu nuqtida emes " dep körsetti.

Amérika charshenbe küni yawropa ittipaqi, rusiye we b d t ning ghezzede urush toxtitish chaqiriqigha qoshuldi.

Toluq bet