Катер башламчилиқидики дәм елишқа чиққан президентлар өмики шимали корийини зиярәт қилиду

Бирләшмә агентлиқиниң бейҗиңдин хәвәр қилишичә, ертә шимали корийини зиярәт қилиш алдида туруватқан пенсийигә чиққан сабиқ америка президенти җими катер бүгүн бейҗиңда ахбарат елан қилди.
Мухбиримиз вәли
2011.04.25

У сөзидә, бу қетимқи зиярәттә шимали корийә рәһбәрлири билән көрүшүп, шимали корийидики йемәк йетишмәслик мәсилиси вә ядро балайиапитидин сақлиниш мәсилиси тоғрисида сөзлишини халайдиғанлиқини билдүрди.

Хәвәрдә ейтилишичә, сабиқ финландийә президенти мартти ахтисари, сабиқ норвегийә баш министири гро брудләнди, сабиқ иреландийә президенти мари робиссонларму ертә пенсийигә чиққан сабиқ америка президенти җими катер билән биллә шимали корийини зиярәт қилиду.

Франсийә агентлиқиниң баян қилишичә, шимали корийә дуняда сиясий җәһәттин йетим қалдурулған, деһқанчилиққа салидиған мәблиғи йоқ, ашлиқ мәһсулатлири йилдин йилға кемийип кетиватқан дөләт.

Бу дөләттә һазир хәлқ тәминлинидиған һәр күнлүк йемәк қуввити 1миң 400 калорийидин 700 калорийигә чүшүп қалди. Бу дөләттин 3 йерим милйон хәлқ сиртқа қечип чиқти, йәнә 24 милйон хәлқ ачарчилиққа йүзләнмәктә.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.