Katér bashlamchiliqidiki dem élishqa chiqqan prézidéntlar ömiki shimali koriyini ziyaret qilidu

Birleshme agéntliqining béyjingdin xewer qilishiche, érte shimali koriyini ziyaret qilish aldida turuwatqan pénsiyige chiqqan sabiq amérika prézidénti jimi katér bügün béyjingda axbarat élan qildi.
Muxbirimiz weli
2011.04.25

U sözide, bu qétimqi ziyarette shimali koriye rehberliri bilen körüshüp, shimali koriyidiki yémek yétishmeslik mesilisi we yadro balayi'apitidin saqlinish mesilisi toghrisida sözlishini xalaydighanliqini bildürdi.

Xewerde éytilishiche, sabiq finlandiye prézidénti martti axtisari, sabiq norwégiye bash ministiri gro brudlendi, sabiq irélandiye prézidénti mari robissonlarmu érte pénsiyige chiqqan sabiq amérika prézidénti jimi katér bilen bille shimali koriyini ziyaret qilidu.

Fransiye agéntliqining bayan qilishiche, shimali koriye dunyada siyasiy jehettin yétim qaldurulghan, déhqanchiliqqa salidighan meblighi yoq, ashliq mehsulatliri yildin yilgha kémiyip kétiwatqan dölet.

Bu dölette hazir xelq teminlinidighan her künlük yémek quwwiti 1ming 400 kaloriyidin 700 kaloriyige chüshüp qaldi. Bu dölettin 3 yérim milyon xelq sirtqa qéchip chiqti, yene 24 milyon xelq acharchiliqqa yüzlenmekte.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.