Uyghur élining pichan nahiyiside xitaydiki eng chong xam néfit ambiri quruldi

Xitaydiki eng chong xam néfit ambiri Uyghur élining pichan nahiyiside qurulghan bolup, xitay axbaratlirida körsitilishiche, nöwette mezkur néfit ambirining aldin pütken chong baklirigha xam néfit toldurulushqa bashlighan.
Muxbirimiz jüme
2008.12.25

Shinjang amanliq torida körsitilishiche, mezkur néfit ambirini junggo néfit we tebi'iy gaz hessidarliq shirkiti qarmiqidiki shinjang néfitlik shirkiti yasap chiqqan.

Xewerde shinjang néfitlik shirkiti xam eshya we qurulush höddigerlik türige mes'ul wang yüexu'aning éytqanlirini neqil élip körsitishiche, pichan nahiyiside qurulghan néfit ambirining omumiy hejmi 8 milyon kubmétir bolup, 6milyard 500 milyon yüen meblegh sélin'ghan.

Melum bolushiche, bu qurulush türining ichidiki peqet bir néfit ambirining hejimi bir milyon kubmétir, igiligen yer kölimi 480 mo bolup, nöwette qazaqistandin toshup kélin'gen xam néfit qoyulushqa bashlighan.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.