Xitay béyjing shehiride pichaq sétishni waqitliq chekligen

Xitay da'iriliri béyjing shehiride pichaq sétishni waqitliq chekligen. Bu, xitay dölet bayrimining aldida kücheytilgen bixeterlik tedbirlirining eng yéngisi bolup, bu xil cheklesh belgilimisi béyjingda ötken peyshenbe we shenbe künliri yüz bergen pichaq tiqish délosidin kéyin yürgüzülüshke bashlighan.
Muxbirimiz jüme
2009.09.21

Pichaq sétishni waqitliq cheklesh belgilimisi, béyjingda soda qilidighan wolmart we kérrifor qatarliq chet'el shirketlirigimu oxshash yürgüzülgen.

Yerlik soda saray xadimlirining bildürüshiche, bu nöwet béyjingda hetta köktat aqlaydighan pichaqlarni sétishmu cheklen'gen.

Melum bolushiche, xitay da'iriliri yene 1 - öktebir küni béyjingda yoluchilar ayropilanlirini üch sa'et etrapida toxtitidiken. Béyjingda da'iriliri bu nöwetlik xitay dölet bayrimining bixeterlik tedbirlirini yillardikige qarighanda zor derijide kücheytken idi.

Béyjing saqchi we qoralliq saqchi qisimliri bir nechche hepte ilgirila béyjing kochilirida tekshürüsh ponkitlirini qurghan we béyjinggha kirip - chiqidighan aptomobillarni tekshürüshke bashlighan idi.

Béyjingda da'iriliri yene, bu nöwetlik xitay dölet bayrimigha "sherqiy türkistanchilar" din tehdit kélidighanliqinimu ilgiri sürgen idi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.