Xitayning tetqiqat orni bir perzentlik pilanliq tughut siyasitini bikar qilishni telep qildi

Mezkur organning axbarat ishlirigha mes'ul xadimi shyé ming, doklatning toluq tékisti mushu bir -ikki hepte ichide élan qilinidighanliqini bildürgen. Shinxu'a axbarat agéntliqining bildürüshiche, doklatta bu tüzümni bu yildin bashlap, bir qisim ölkilerde ijra qilish, 2015‏-yildin burun barliq ölke, aptonom rayonlarda omumyüzlük yolgha qoyush telep qilin'ghan.

Doklatta: junggo bu siyaset üchün intayin zor siyasiy, ijtima'iy bedel tölidi. Bu siyaset ijtima'iy toqunush, yuqiri memuri xirajet serp qilishni keltürüp chiqirip, uzun mezgillik jinsi tengpungsizliqni peyda qildi, dep körsetken. Biraq doklatta, xenzulargha ikki perzentlik tüzümi yolgha qoyulsa, buning hazir sheherlerde ikki perzentlik, yézilarda 3 perzentlik tüzümi yolgha qoyuluwatqan Uyghur qatarliq milletlerge qandaq tesir körsitidighanliqi tilgha élinmighan.

Biraq, birleshme agéntliqining ilgiri sürüshiche, ikki perzentlik siyasetke gumanliq qaraydighan bezi mutexessisler, bu siyaset yolgha qoyulghan teqdirdimu, xitayning bir perzentlik pilanliq tughut siyasiti keltürüp chiqarghan jinsiy tengpungsizliq, nopusning qérishi qatarliq mesililerni ünümlük hel qilalmaydighanliqini bildürgen.