Полшаниң сабиқ президенти валеса хитайни далай лама мәсилисидә агаһландурди

Полшаниң 1980 ‏ - йиллардики иттипақ ишчилар уюшмиси рәһбири, сабиқ полша президенти лих валеса, җүмә күни хитайниң тибәт роһани даһийси далай лама сәвәбидин явропа иттипақи билән өткүзидиған юқири дәриҗиликләр сөһбитини кечиктүргәнликини әйибләп, " дуня хитайниң башқиларға дост таллап беришигә йол қоймайду " дәп көрсәтти.
Мухбиримиз әркин
2008.11.28

Лих валеса далай ламани 6 ‏ - декабир күни полшаниң гданск шәһиридә өткүзүлидиған өзиниң нобил тинчлиқ мукапатиға еришкәнликиниң 25 йиллиқини хатириләш паалийитигә тәклип қилған. Лекин шу күнки паалийәткә қатнишидиған франсийә президенти саркозий мурасимда далай лама билән көрүшидиғанлиқини җакарлиғандин кейин, хитай һөкүмити келәр һәптә франсийидә чақирилидиған явропа иттипақи - хитай юқири дәриҗиликләр сөһбитини бикар қилған иди.

Валеса мундақ дәйду": мениңчә бу дөләт вә бу дөләтниң төписидики рәһбәрләр муғәмбәрлик қилиштин бурун азрақ ойлап көрүши керәк, бизниң меһманлиримизни улар таллап бәрмәслики лазим." Валеса гданск шәһиридики паалийәткә йәнә сабиқ җәнубий африқа президентлиридин нелсон мандела, де крик қатарлиқларни тәклип қилған.

Валеса әсли полшаниң гданск портидики бир кемә завутиниң ишчиси иди. У, 1980 ‏ - йилларда полша иттипақ ишчилар уюшмисиға рәһбәрлик қилип, полшада коммунизимниң ағдурулушида ачқучлуқ рол ойниған шәхсләрниң бири болуп қалған. Валеса йәнә мундақ дәйду": мән хитайни агаһландурмақчи. Дуня билән болған қаршилишишни бу түрлүк усуллар билән ипадилимәслики керәк."

Валеса полша иттипақ ишчилар уюшмисиниң зораванлиқсиз әркинлик һәрикитидә ойниған роли сәвәбидин 1983 ‏ - йили нобил тинчлиқ мукапатиға еришкән иди.

Мунасивәтлик хәвәрләр
Қисқа хәвәрләр
Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.