Polshaning sabiq prézidénti walésa xitayni dalay lama mesiliside agahlandurdi

Polshaning 1980 ‏ - yillardiki ittipaq ishchilar uyushmisi rehbiri, sabiq polsha prézidénti lix walésa, jüme küni xitayning tibet rohani dahiysi dalay lama sewebidin yawropa ittipaqi bilen ötküzidighan yuqiri derijilikler söhbitini kéchiktürgenlikini eyiblep, " dunya xitayning bashqilargha dost tallap bérishige yol qoymaydu " dep körsetti.
Muxbirimiz erkin
2008-11-28
Share

Lix walésa dalay lamani 6 ‏ - dékabir küni polshaning gdansk shehiride ötküzülidighan özining nobil tinchliq mukapatigha érishkenlikining 25 yilliqini xatirilesh pa'aliyitige teklip qilghan. Lékin shu künki pa'aliyetke qatnishidighan fransiye prézidénti sarkoziy murasimda dalay lama bilen körüshidighanliqini jakarlighandin kéyin, xitay hökümiti kéler hepte fransiyide chaqirilidighan yawropa ittipaqi - xitay yuqiri derijilikler söhbitini bikar qilghan idi.

Walésa mundaq deydu": méningche bu dölet we bu döletning töpisidiki rehberler mughemberlik qilishtin burun azraq oylap körüshi kérek, bizning méhmanlirimizni ular tallap bermesliki lazim." Walésa gdansk shehiridiki pa'aliyetke yene sabiq jenubiy afriqa prézidéntliridin nélson mandéla, dé krik qatarliqlarni teklip qilghan.

Walésa esli polshaning gdansk portidiki bir kéme zawutining ishchisi idi. U, 1980 ‏ - yillarda polsha ittipaq ishchilar uyushmisigha rehberlik qilip, polshada kommunizimning aghdurulushida achquchluq rol oynighan shexslerning biri bolup qalghan. Walésa yene mundaq deydu": men xitayni agahlandurmaqchi. Dunya bilen bolghan qarshilishishni bu türlük usullar bilen ipadilimesliki kérek."

Walésa polsha ittipaq ishchilar uyushmisining zorawanliqsiz erkinlik herikitide oynighan roli sewebidin 1983 ‏ - yili nobil tinchliq mukapatigha érishken idi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet