Үрүмчи-бейҗиң пойизида мусулман ашпәз болмаслиқи наразилиқ қозғиди

20-Декабир күни хитайдики аммиви тор бекити шинлаң тор бекитидә үрүмчи-бейҗиң оттурисида қатнайдиған (т69、т70)пойизда бирму мусулман ашпәзниң йоқлуқи инкас қилинған, “пойиздики һалал тамақта пәқәт тәхсила һалал ” мавзулуқ бир язма тор бәтлиридә уйғур тордашлар арисида наразилиқ инкаслири қозғиған.
Мухбиримиз меһрибан
2012.12.21

Уйғур биз ториниң хәлқара тор бекитидә елан қилинған бу һәқтики хәвәрдә баян қилинишичә, гәрчә бу язма бирнәччә саәттин кейин шинлаң тор бекитидин еливетилгән болсиму, әмма бу әһвал тордашлар арисида наразилиқ қозғап, һөкүмәт даирилириниң мусулманларниң өрп-адитигә һөрмәт қилмиғанлиқини әйибләйдиған инкаслар көпәйгән.

Буларда, пойиздики йолучилардин хитай өлкилиридики “шинҗаң синиплири” да оқуватқан оқуғучилар, уйғур тиҗарәтчиләр, хизмәт вә һәр хил сәвәб билән хитай өлкилиригә маңған уйғур йолучиларниң қиш күнлиридики қаттиқ соғуқта 2 сотка ач қелиш яки өзи еливалған соғуч йемәкликләрни йейишкә мәҗбур болуватқанлиқи баян қилинип, үрүмчидин бейҗиңғичә 40 саәтлик мусапини бесип өтидиған пойиздики аталмиш “һалал ашхана ”да бирму мусулман ашпәзниң болмаслиқи, даириләрниң, мусулманларниң өрп ‏-адитигә һөрмәт қилмиғанлиқиниң ипадиси икәнлики илгири сүрүлгән.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.