Ürümchi-béyjing poyizida musulman ashpez bolmasliqi naraziliq qozghidi

20-Dékabir küni xitaydiki ammiwi tor békiti shinlang tor békitide ürümchi-béyjing otturisida qatnaydighan (t69、t70)poyizda birmu musulman ashpezning yoqluqi inkas qilin'ghan, “Poyizdiki halal tamaqta peqet texsila halal ” mawzuluq bir yazma tor betliride Uyghur tordashlar arisida naraziliq inkasliri qozghighan.
Muxbirimiz méhriban
2012.12.21

Uyghur biz torining xelq'ara tor békitide élan qilin'ghan bu heqtiki xewerde bayan qilinishiche, gerche bu yazma birnechche sa'ettin kéyin shinlang tor békitidin éliwétilgen bolsimu, emma bu ehwal tordashlar arisida naraziliq qozghap, hökümet da'irilirining musulmanlarning örp-aditige hörmet qilmighanliqini eyibleydighan inkaslar köpeygen.

Bularda, poyizdiki yoluchilardin xitay ölkiliridiki “Shinjang sinipliri” da oquwatqan oqughuchilar, Uyghur tijaretchiler, xizmet we her xil seweb bilen xitay ölkilirige mangghan Uyghur yoluchilarning qish künliridiki qattiq soghuqta 2 sotka ach qélish yaki özi éliwalghan soghuch yémekliklerni yéyishke mejbur boluwatqanliqi bayan qilinip, ürümchidin béyjingghiche 40 sa'etlik musapini bésip ötidighan poyizdiki atalmish “Halal ashxana ”da birmu musulman ashpezning bolmasliqi, da'irilerning, musulmanlarning örp ‏-aditige hörmet qilmighanliqining ipadisi ikenliki ilgiri sürülgen.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.