Prézidént obama aqsarayda iptar ziyapiti berdi

Prézidént obama sözide yene, amérikidiki musulmanlarning amérikining medeniyitige reng qoshqanliqini tekitlep: "musulmanlarning amérikigha qoshqan töhpiliri san - sanaqsiz. Musulmanlar bizning jem'iyitimizde we dölitimizde muhim orun'gha ige," dédi.

Amérika prézidénti barak obama sözide yene, islamning büyük bir din ikenlikini, uning adalet we tereqqiyatni yaqilaydighan bir din ikenlikini tekitlidi.

Obama ziyapetke amérikida ders netijiliri bilen shitatning netije rékorini buzuwetken musulman qiz bilgis abdulqadirnimu dewet qilghan bolup, ziyapetke qatnashquchilargha uning derstiki netijilirini tonushturghan we bu qizdin musulmanlarning emes, hemme kishining ülge élishi kéreklikini éyitqan.

Aqsarayda bérilgen iptar ziyapitige amérika dölet mejlisining ikki musulman ezasi kéyit éllison we andri karsonlar bilen birlikte, musulman döletlerning bash elchilirimu dewet qilin'ghan.

Bundin burun amérikining sabiq prézidénti jorj bushmu 8 yilliq wezipe mezgilide aqsarayda iptar ziyapiti bérip kelgen idi.