Қазақистан даирилири хәлқара тәшкилатниң президент сайлими һәққидики тәнқидини рәт қилди

Шинхуа агентлиқиниң астанадин баян қилишичә, қазақистан бүгүн президент сайлиминиң нәтиҗисини елан қилди. Нур султан назәрбайефни 95% авазға еришип, йәнә бир қетим қайтидин сайланди дәп җакарлиди.
Мухбиримиз вәли
2011.04.04

Хитай рәиси ху җинтав нур султан назәрбайифқа телеграмма йоллап, униң йәнә қайтидин сайланғанлиқини қизғин алқишлиди вә нур султан назәрбайеф рәһбәрликидики 19 йил ичидә тикләнгән хитай-қазақ достлуқи буниңдин кейин техиму юқири пәллигә көтүрүлиду деди.

Ройтрс агентлиқиниң баян қилишичә, явропа бихәтәрлик вә һәмкарлиқ тәшкилати бүгүн қазақистанниң президент сайлимини нормал әмәс дәп тәнқидлиди. Шундақла, қазақистанни көпләп ислаһат елип беришқа чақирди. Әмма, шинхуа агентлиқниң баян қилишичә, нур султан назәрбайефниң мәслиһәтчиси йермуқаммәт йертесбайеф хәлқараниң қазақистанниң президент сайлими һәққидики тәнқидини рәт қилған.

Оттура асияда турушлуқ б б с мухбирлириниң инкас қилишичә, қазақистандики демократик ислаһат иқтисадий тәрәққияттин көп арқида. Хәлқ нур султан назәрбайеф билән муқимлиқни сақлаш дегән аталғуниң мәниси бир дәп қарайду.

Қазақистанда өткүзүлүватқан президент сайлими, худди совет иттипақи дәвридики әркинлик вә адаләттин хали һалдики сайламларға опму охшаш.

Мунасивәтлик хәвәрләр
Қисқа хәвәрләр
Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.