Putin nahökümet teshkilatlarning herikitini chekleydighan qanun'gha imza qoydi

Shenbe küni rusiye prézidénti wladimir putin rusiye dumasining qararidin ötken chet'ellerning iqtisadiy yardimige érishken na hökümet teshkilatlirini"Chet'elning alahide xizmetchiliri" dep békitip, bu teshkilatlarning pa'aliyetlirini chekleydighan qanun'gha imza qoydi.
Muxbirimiz ümidwar
2012-07-22
Share


Amérika awazining xewer qilishiche, putinning mezkur qanunni imzalishidin kéyin xelq'araliq hoquq teshkilatliri jümlidin rusiyidiki hoquq qoghdighuchilirining naraziliq inkasliri peyda bolghan. Bir qisim nahökümet teshkilatlar bu qanun'gha boysunmaydighanliqini bildürgen. Amérika dölet ishliri ministirliki bu heqte meydanini bildürüp, bu mesilige chongqur köngül bolidighanliqini bildürgen.

Putin yene buningdin ilgiri hökümetning ruxsitini almighan namayishlargha qatnashqanlarning jerimane qoyulush arqiliq jazalinidighanliqi heqqidiki qanun'gha imza qoyghan idi.

Wladimir putin hakimiyetni igileshtin ilgiri moskwada yüzbergen keng kölemlik namayishlarni chet'ellerge baghlap eyibligen idi. Öktichiler bolsa, putinning hakimmutleqliq tüzüm ornitish yoligha méngiwatqanliqini, bu qanunlar arqiliq xelqaraliq insan hoquqi teshkilatlirining rusiyidiki pa'aliyetlirige chek qoyushqa intiliwatqanliqini tenqid qilmaqta,

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet