Wladimir putin prézidéntliq salahiyitidiki seperlirini ottura asiya we xitaygha qaratti

Téxi yéqinda prézidéntliqqa qesem bérip, wezipe tapshuriwalghan rusiye prézidénti wladimir putin yéqinqi ikki hepte ichide élip baridighan bir qatar chet'el seperlirining kün tertipni élan qilghan bolup, u, aldi bilen bélarusiye, gérmaniye we fransiyini ziyaret qilip bolupla,arqidin özbékistanni ziyaret qilidu. Lékin, putin bu qétim amérikidiki 8 sana'et döliti yighinigha kelmigen.
Muxbirimiz ümidwar
2012-05-20
Share


Perghane uchur torining yézishiche, rusiye prézidént ishxanisining melumat bérishiche, wladimir putin 6 - 7 - iyun künlirini xitayni ziyaret qilidu hemde shangxey hemkarliqigha eza döletlerning aliy rehberliri yighinigha qatnishidu.

Bu, wladimir putinning üchinchi nöwet prézidént bolghandin kéyin, xitayni yene prézidéntliq salahiyiti bilen ziyaret qilishi hemde shangxey hemkarliq teshkilatining aliy rehberliri yighinigha qaytip kélishidur.

Putin xitay ziyaritini axirlashturup bolupla qazaqistan'gha kélip dölet ziyariti élip baridu.

Putinning amérika we gherb bilen bolghan munasiwetlirini bir mehel soghuqlashturup, mana emdi munasiwetlirini qayta tengshewatqan özbékistanni ziyaret qilishi alahide diqqetke sazawer boldi. Tehlilchiler putinning yawro - asiya ittipaqini qurush ghayisini emelge ashurushida özbékistanning tosalghu bolushi mumkinliki, emma qazaqistanning uni qollaydighanliqi, shu sewebtin putinning bu ikki döletni merkiziy asiya rayonida alahide orun'gha qoyghanliqini tehlil qilishmaqta. Uning üstige bularning her ikkilisila énérgiye döletliridur.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet