2012-Yili Uyghur élide qanunsiz diniy pa'aliyet bilen shughullan'ghan dégen jinayet bilen sotlan'ghanlar barghanche köpeygen

Bolupmu bultur bir yil ichide Uyghur élide qanunsiz diniy pa'aliyetlerge we qanunsiz neshr buyumlirigha zerbe bérish namida diniy étiqad we neshr buyumlirigha qaritilghan kontrolluq téximu kücheytilgen.

Xitay hökümet xewerliridimu bultur bir yil ichide qanunsiz diniy neshr buyumlirigha zerbe bérish kücheytilgenliki ilgiri sürülgen bolup, shinxu'a agéntliqining 4-yanwardiki in'glizche xewiride bultur bir yil ichide jem'iy 45 milyon qanunsiz neshr buyumlirining musadire qilin'ghanliqi, bularning ichide qanunsiz diniy kitab, diniy ün-sin neshr buyumlirining zor salmaqni igileydighanliqi bayan qilinip, Uyghur aptonom rayonining xoten shehiridin qanunsiz diniy neshriyat buyumlirini tarqatqan dégen jinayet bilen eyiblen'gen bir Uyghurning 10 yilliq qamaq jazasigha höküm qilin'ghanliqi neqil élin'ghan.

Undin bashqa, Uyghur biz torining xelq'ara torining 8-yanwardiki xewiridin melum bolushiche, ghulja sheherlik xelq sot mehkimisi bultur 9-dékabir küni 7 neper tungganni“ Xurapatliqni terghib qilip, qanunni buzghan ”, “ Qanunsiz diniy neshr buyumlirini tarqatqan ” dégen jinayet bilen eyiblep,3 yildin 4 yilghiche muddetlik qamaq jazasigha höküm qilin'ghan.