Хәлқара кәчүрүм тәшкилати қазақистан һөкүмитини пикир әркинликини боғуш билән әйиблиди

Хәлқара кәчүрүм тәшкилати бүгүн баянат елан қилип, қазақистан һөкүмитини пикир әркинликини дәпсәндә қилиш билән әйиблиди.
Мухбиримиз ирадә
2012.11.22

Униңда ейтилишичә, қазақистан даирилири йеқинда қазақистандики 40 қа йеқин өктичи мәтбуат вә тор бәтлирини тақаш һәққидә сотқа әрз сунған, улар әрзидә бу ахбарат органлириниң әсәбийлик қилип, җәмийәт аманлиқини бузуватқанлиқини вә дөләтниң хәвпсизликигә тәһдит пәйда қиливатқанлиқини илгири сүргән.

Хәлқара кәчүрүм тәшкилати болса қазақистан даирилириниң “әсәбийликкә қарши туруш” ни баһанә қилип туруп, әмәлийәттә пикир вә ахбарат әркинликини боғуватқанлиқини, нөвәттә өктичи авазларниң тәһдит астида қалғанлиқини билдүрди.

Мәзкур тәшкилат буниңдин сирт, һөкүмәт даирилириниң бир қисим ахбарат хадимлири вә уларниң аилә-тавабиатлирини түрлүк васитиләр арқилиқ аварә қиливатқанлиқини билдүрүп, қазақ даирилиридин кишилик һоқуқ вә пикир әркинликигә хилап болған бундақ қилмишини дәрһал аяғлаштурушни тәләп қилди.

Мунасивәтлик хәвәрләр
Қисқа хәвәрләр
Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.