Хитай қәшқәрдә иқтисадий алаһидә райониға мәхсус мулазимәт мәркизи қурди

Хитай даирилири оттуриға қойған “қәшқәрни шенҗенға айландуруш” пиланиниң таза көңүлдикидәк болмайватқанлиқи илгири сүрүлүватқан мәзгилдә даириләр қәшқәрдә қурулидиған иқтисадий алаһидә райониға херидар чақириш хизмитини техиму асанлаштуруш үчүн мәхсус мулазимәт мәркизи қуруп хизмәт башлиған.
Мухбиримиз җүмә
2012.07.25

Қәшқәр һөкүмәт торида көрситишичә, мәзкур мулазимәт мәркизи нәқ мәйданда кинишка беҗириш, мәбләғ селиш учурлири билән тәминләш вә етибар бериш сиясәтлирини топлаш қатарлиқ мулазимәтләрни өтәйдикән.

Униңдин башқа мулазимәт орниға қурулуш, пилан, муһит асраш вә дөләт йәр-земин идариси, қатарлиқ 81 орган ишхана тәсис қилған болуп, улар “үнүмни өстүрүш үчүн маслишип” хизмәт қилидикән.

“шинҗаң хизмәт йиғини” дин кейин, хитай һөкүмити қәшқәрдә алаһидә иқтисадий район бәрпа қилип, хитай содигәрлирини көпләп тәклип қилиш пилани оттуриға қойған.

Бәзи хәвәрләрдә бу алаһидә райониниң асаслиқ нопуси уйғур болған қәшқәр дияриға хитай көчмәнлирини йәнә көпләп йөткәп келиш мәқситидә қурулуватқанлиқи һәмдә буниң уйғурларға мәнпәәт елип келәлмәйдиғанлиқи илгири сүрүлгән иди.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.