Xitayning qeshqerdiki emeldari: ikki yil ichide yüz bergen weqeler mölcherlep yetküsiz ziyan keltürdi
2012.06.27
Bu xitay emeldarining qarishiche, hazir qeshqerning weziyiti muqimliqqa qarap tereqqi qiliwatidu, milletler ittipaqi yaxshiliniwatidu. Bu, yuqirining 32 maddiliq muqimliqni saqlash tedbiri we 24 maddiliq qattiq qol bolush tedbirige asasen, yézilargha saqchi qoyush, uchurlarni sheher bilen yézilarda birla waqitta kontrol qilish, teshebbuskarliq bilen hujum qozghash charisi yolgha qoyulghandin kéyn qolgha kelgen netije.
Xongkongda chiqidighan “Mingbaw” gézitining bayan qilishiche, xitayning qeshqer walisi bu qétim yene, yéqinqi ikki yil ichide qeshqerde xitayning küchmen siyasitige qarshi yüz bergen weqelerni, mesilen, 2011 - yilidiki “Ottuzinchi iyol weqesi” we 2012 - yilidiki “Yigirme seki'izinchi féwral weqesi” qatarliq weqelerni, pakistanda herbiy telim élip étish, partlitishni öginip kelgen térrorchilar peyda qildi déyish arqiliq, Uyghurlani yene bir qétim “Térrorchi” dep tilgha alghan.