قەشقەر ھۆكۈمەت دائىرىلىرى 'تۆتنى بىلىش، تۆتنى ئېنىقلاش، تۆتنى ئىگىلەش' دەيدىغان بەلگىلىمىنى ئىجرا قىلماقتا

قەشقەر شەھەرلىك ھۆكۈمەت يېقىندا "تۆتنى بىلىش، تۆتنى ئېنىقلاش، تۆتنى ئىگىلەش" ۋە شۇنداقلا "بالدۇر بايقاش، بالدۇر كونترول قىلىش، بالدۇر بىر تەرەپ قىلىش" ئارقىلىق جەمئىيەت مۇقىملىقىغا كاپالەتلىك قىلىش دەيدىغان بىر قاتار بەلگىلىمىلەرنى ئىجرا قىلىشقا باشلىغان.
مۇخبىرىمىز ﺋﯩﺮﺍﺩﻩ
2010.09.16
Share on WhatsApp
Share on WhatsApp

قەشقەر ھۆكۈمەت تورىدا بېرىلگەن خەۋەردە بايان قىلىنىشىچە، بۇ ئارقىلىق قەشقەرنىڭ جەمئىيەت مۇقىملىقىغا، ئىقتىسادنىڭ گۈللىنىشىگە كاپالەتلىك قىلغىلى بولىدىكەن.

ئۇيغۇر ئېلى ۋەزىيىتى كۆزەتكۈچىلىرىنىڭ قارىشىچە، خىتاي دائىرىلىرى ئۇيغۇر ئېلىدە جەمئىيەت ئامانلىقىنى باھانە قىلىپ تۇرۇپ، ئۇيغۇرلار ئۈستىدىكى سىياسىي بېسىمىنى ئۈزلۈكسىز ھالدا ئاشۇرۇپ كەلمەكتە. بۇنىڭدىن ئىلگىرىمۇ ئۇيغۇر ئاپتونوم رايونىنىڭ سابىق پارتكوم سېكرېتارى ۋاڭ لېچۇئەن "ئىجتىمائىي مۇقىملىققا تەسىر يەتكۈزۈدىغان ئامىللارنى بىخ ھالىتىدىلا ئۇجۇقتۇرۇش" دەيدىغان يوليورۇقنى ئىجرا قىلىش ئارقىلىق ئۇيغۇرلارغا قاتتىق زەربە بەرگەن ئىدى.

شىتابى گېرمانىيىدىكى دۇنيا ئۇيغۇر قۇرۇلتىيىنىڭ باياناتچىسى دىلشات رېشىت قەشقەر شەھەرلىك ھۆكۈمىتىنىڭ مەزكۇر بەلگىلىمىلىرىگە نىسبەتەن ئىنكاس قايتۇرۇپ، خىتاي ھۆكۈمىتىنىڭ مۇشۇنىڭغا ئوخشاش تۈرلۈك بەلگىلىمىلەر ۋە نىزاملار ئارقىلىق ئۇيغۇرلارغا قاراتقان بېسىمنى تېخىمۇ كۈچەيتىۋاتقانلىقىنى كۆرسىتىپ ئۆتتى.

پىكىر قوشۇڭ

رادىئونىڭ ئىشلىتىش شەرتلىرىگە ئاساسەن، پىكىرلىرىڭىز تەكشۈرگۈچىلەر تەرىپىدىن تەستىقلىنىشى ۋە مۇۋاپىق دەرىجىدە تەھرىرلىنىشى تۈپەيلى، تور بەتتە دەرھال پەيدا بولمايدۇ. سىز قالدۇرغان مەزمۇنغا ئەركىن ئاسىيا رادىئوسى جاۋابكار بولمايدۇ. باشقىلارنىڭ كۆز قارىشى ۋە ھەقىقەتكە ھۆرمەت قىلىشىڭىزنى سورايمىز.

تولۇق بەت