Қәшқәр һөкүмәт даирилири 'төтни билиш, төтни ениқлаш, төтни игиләш' дәйдиған бәлгилимини иҗра қилмақта

Қәшқәр шәһәрлик һөкүмәт йеқинда "төтни билиш, төтни ениқлаш, төтни игиләш" вә шундақла "балдур байқаш, балдур контрол қилиш, балдур бир тәрәп қилиш" арқилиқ җәмийәт муқимлиқиға капаләтлик қилиш дәйдиған бир қатар бәлгилимиләрни иҗра қилишқа башлиған.
Мухбиримиз ирадә
2010-09-16
Share

Қәшқәр һөкүмәт торида берилгән хәвәрдә баян қилинишичә, бу арқилиқ қәшқәрниң җәмийәт муқимлиқиға, иқтисадниң гүллинишигә капаләтлик қилғили болидикән.

Уйғур ели вәзийити көзәткүчилириниң қаришичә, хитай даирилири уйғур елидә җәмийәт аманлиқини баһанә қилип туруп, уйғурлар үстидики сиясий бесимини үзлүксиз һалда ашуруп кәлмәктә. Буниңдин илгириму уйғур аптоном райониниң сабиқ партком секретари ваң лечуән "иҗтимаий муқимлиққа тәсир йәткүзүдиған амилларни бих һалитидила уҗуқтуруш" дәйдиған йолйоруқни иҗра қилиш арқилиқ уйғурларға қаттиқ зәрбә бәргән иди.

Шитаби германийидики дуня уйғур қурултийиниң баянатчиси дилшат решит қәшқәр шәһәрлик һөкүмитиниң мәзкур бәлгилимилиригә нисбәтән инкас қайтуруп, хитай һөкүмитиниң мушуниңға охшаш түрлүк бәлгилимиләр вә низамлар арқилиқ уйғурларға қаратқан бесимни техиму күчәйтиватқанлиқини көрситип өтти.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт