Roza héyt harpisida isma'il tiliwaldi qeshqerde muqimliqni tekshürdi

Uyghur élide ilgiriki nöwetlik re'islik wezipisini ötigen, hazir xitay xelq qurultiyi da'imiy komitétida mu'awin mudirliq wezipiside olturghan isma'il tiliwaldi Uyghurlarning milliy hem diniy en'eniwi bayrimi bolghan roza héyti yétip kélish harpisida mexsus muqimliq xizmitini tekshürüsh üchün qeshqer wilayitige barghan.
Muxbirimiz gülchéhre
2008-09-30
Share

Isma'il tiliwaldi qeshqerde asasliq qeshqer wilayetlik 6 - ottura mektep, kona sheher nahiyilik 1 - we 2 - ottura mektep, qeshqer pidagogika inistituti qatarliq mekteplerde tekshürüsh élip bérip " shinjangning tereqqiyat muqimliqi kelgüside ma'aripqa tayinishqa toghra kélidu, " dep sözligen.

U, héytgah meschiti qatarliq jam'elerdimu mexsus ziyarette bolup, jüme damolla qatarliq wetenperwer diniy zatlargha qeshqerning muqimliq xizmitige töhpe qoshqanliqigha rexmet éytqan hemde qeshqerdiki ziyariti dawamida bu xil wetenperwer diniy zat, milliy oqutquchi - oqughuchi hemde milliy kadirlargha qeshqerdin ibaret milliy bölgünchilikke qarshi küreshning aldinqi sépide türlük muqimliq tedbirlirini kücheytip, "muqimliq hemmini bésip chüshidu" deydighan idiye bilen zerbe bérish salmiqini ashurush heqqide yolyoruq bergen.

Isma'il tiliwaldining bu qétimqi qeshqer ziyariti qeshqerde muqimliq tedbirliri hessilep kücheytilgen, ma'aripni öz ichige alghan barliq sahelerde "üch xil küchler"ge qarshi siyasiy idé'ologiye boyiche terbiyilesh bashlan'ghan bir mezgilge toghra keldi.

Xitay da'iriliri qeshqerde 4 - awghust we 12 - awghust weqeliridin kéyin muqimliq bahanisida Uyghurlargha qaratqan siyasiy hemde diniy bésimlarni yenimu kücheytken idi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet