Қәшқәрдә 33 уйғурниң қолға елинғанлиқи хәвәр қилинмақта

5-Июл үрүмчи вәқәси йетип келиш алдида уйғур район даирилириниң бихәтәрликни күчәйтиш нами астида зәрбә бериш һәрикәтлирини күчәйтиватқанлиқи хәвәр қилинмақта.
Мухбиримиз ирадә
2012-06-28
Share

Бүгүн дуня уйғур қурултийиниң баянатчиси дилшат ришит, қәшқәрдә йеқинда әң аз дегәндә 33 кишиниң бөлгүнчиликкә қарши туруш вә қанунсиз диний паалийәтләрни чәкләш нами астида қолға елинғанлиқини, буларниң арисида 4 аялниң барлиқини билдүрди.

Дилшат ришит әпәндиниң ейтишичә, бу кишиләр қәшқәр сақчи даирилириниң қәшқәрдә пәйшәнбә күни башланған сода йәрмәнкисиниң һарписида, йәрмәнкиниң бихәтәрликигә капаләтлик қилиш үчүн елип барған тутқун қилиш, тазилаш һәрикити җәрянида бөлгүнчиликкә аит материялларни тарқитиш вә диний қанунсиз диний паалийәт қилиш нами астида қолға елинған.

Радиойимизниң қәшқәрдин игилигән учурлириға қариғанда, қәшқәрдики бәзи исмини ашкарилашни халимиған кишиләр тутқун қилиш һәрикити болғанлиқини дәлиллигән. Улар йәнә қәшқәрдә һазир сақчиларниң көпәйтилгәнликини, сақчиларниң қәшқәргә кирип-чиқидиған еғизларда уйғурларниң кимликини қаттиқ тәкшүргәндин сирт, хитайларниңму кимликини тәкшүрүлүватқанлиқини инкас қилған.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт