Қәшқәрниң партком секритари 'йәттә террорчи тәшкилатни пачақлидуқ' дәп җакарлиди

Қәшқәр шәһириниң хитай партком секритари җаң җйән шинхуа агентлиқиға мәлумат берип 'мушу йилниң алдинқи төт ейида, чәтәлләрдә қурулған тәшкилатларға четилидиған 7 террорчи тәшкилатни пачақлидуқ' дәп җакарлиди.
Мухбиримиз вәли
2009-06-03
Share

Бирләшмә агентлиқиниң бейҗиңдин баян қилишичә, әмма хитай даирилири 'террорчи', 'бөлгүнчи' дәп қолға алған кишиләр һәққидә һечқандақ мәлумат бәрмиди. Хитай әмәлдари җаң җйән йәнә 'һөкүмитимиз террорчиларға қарши туруш арқилиқ бу районни тинҗитти, шуниң билән бир вақитта, бу районға техиму көп мәбләғ селишқа башлиди. Бу районда хәлқниң турмуши яхшиланғансири террорчи тәшкилатлар шунчә көп кәйнигә чекиниватиду' дәп мәлумат бәргән болсиму, бу һәқтиму, йәнила һечқандақ тәпсилий мәлумат бәрмиди.

Хәвәрдә баян қилинишичә, хитай һөкүмити түрки тилда сөзлишидиған мусулман уйғурларни мустәқил дөләт қуруп шинҗаңни хитайдин бөлүвелиш үчүн оттура асия вә оттура шәрқтә һәрбий тәлим елип террорчилиқ қиливатиду, дәп әйибләп, 1990 ‏ - йилидин 2003 ‏ - йилиғичә " 591 террорчи гуруһни пачақлап, террорчиларни қолға елип " җаза һөкүм қилғанлиқини елан қилған иди.

Хитай һөкүмити һазир уйғурларни йәнә интернетни өзигә қорал қилип, өз - ара учур алмаштуруп, тәшкиллинип бөлгүнчилик қилиш мәқситигә йәтмәкчи болуватиду, дәп әйибләшкә башлиди.

Б б с ниң вә мәркизи агентлиқиниң баян қилишичә, хитай һөкүмити бу йил 4 ‏ - айда, бултур 8‏ - айниң 4 ‏ - күни қәшқәрдә хитайниң 17 нәпәр чегра сақчисини өлтүрүп 15ни яриландурған икки уйғурни сорақ қилип, уларға өлүм җазаси бәргән иди. Қәшқәр шәһириниң хитай партком секритари җаң җйән бу вәқәни йәнә тилға алди.

Хәвәрдә ейтилишичә, хитай партком секритари ашкарилиған мәлуматида йәнә, афғанистан, пакистан, таҗикстан, қирғизстан қатарлиқ дөләтләр билән чегрилинидиған қәшқәр шәһиридә, уйғурлар нопусниң 90% ни тәшкил қилидиғанлиқини, бу районда миллий бөлгүнчилик наһайити әвҗ алғанлиқини, 1949 ‏ - йилидин кейин 11 қетим топилаң йүз бәргәнликини, хитай һөкүмити бу районда 4 қетим кәң көләмлик бастуруш елип барғанлиқини, 1990 ‏ - йилидин кейин бу районда йәнә 350 қетим террорчилиқ вәқәси йүз бәргәнликини, бу җәрянда 60 нәпәр хитай әмәлдари өлтүрүлгәнликини етирап қилди. Хитай уйғур аптоном район рәиси нур бәкриму, буниңдин кейин вәзийәт техиму җиддий болидиғанлиқини тәсәввур қилди.
Пикирләр (1)

Барлиқ пикир - баянларни көрүш.

Anonymous says:
Dec 13, 2012 05:34 PM

maqale pakitliq boptu

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт