قەشقەر ۋىلايىتىدە 'تۆتنى تونۇش' سەييارە تەشۋىقاتى ئېلىپ بېرىلماقتا

قەشقەر ھۆكۈمەت تورىنىڭ خەۋەر قىلىشىچە، قەشقەر پىداگوگىكا ئىنستىتۇتى مەخسۇس "تۆتنى تونۇش" تەشۋىقات گۇرۇپپىسى تەشكىللەپ، توققۇزاق ناھىيىسىدە لېكسىيە ئۇيۇشتۇرغان.
ﻣﯘﺧﺒﯩﺮﯨﻤﯩﺰ ﺷﻮﻫﺮﻩﺕ ﻫﻮﺷﯘﺭ
2010-08-31
Share

لېكسىيە "ۋەتەننى سۆيۈپ يۇرتنى گۈللەندۈرۈش" دېگەن تېمىدا ئېلىپ بېرىلغان. ئوخشاش لېكسىيە ئۆتكەن ئايدا پەيزىۋات ناھىيىسىدىكى بىر مەسچىتتە ئۆتكۈزۈلگەن ۋەز - نەسىھەت مۇسابىقىسىدىمۇ سۆزلەنگەن ئىدى.

خىتاي ھۆكۈمىتى ئۇيغۇرلاردىن كۈتۈۋاتقان 4نى تونۇش - دۆلىتىنى تونۇش، جۇڭخۇا مىللىتىنى تونۇش، جۇڭخۇا مەدەنىيىتىنى تونۇش ۋە سوتسىيالىزمنى تونۇشتىن ئىبارەتتۇر.

قارىغاندا خىتاي ھۆكۈمىتىنىڭ ئۇيغۇرلاردىكى قارشىلىق ئىدىيىسىنى سۇسلاشتۇرۇش ئۈچۈن، تەشۋىقاتتا، دىنىي زاتلار بىلەن مائارىپچىلاردىن پايدىلىنىشنى مۇھىم ئورۇنغا قويۇۋاتقانلىقى بىلىنمەكتە.

تۈنۈگۈن ئۈرۈمچىدە ئېچىلغان خۇسۇسىي كارخانىچىلارغا ياردەم بېرىش يىغىنىدا ئۇيغۇرلارنىڭ يوقلۇقى، بۇنىڭ بىلەن تەڭ، توققۇزاقتا ئېچىلغان 4 نى تونۇش يىغىنىدا خىتايلارنىڭ يوقلۇقى ئۇيغۇر كۆزەتكۈچىلەرنىڭ دىققىتىنى تارتماقتا.

پىكىرلەر (0)

بارلىق پىكىر - بايانلارنى كۆرۈش.

پىكىر قوشۇڭ

رادىئونىڭ ئىشلىتىش شەرتلىرىگە ئاساسەن، پىكىرلىرىڭىز تەكشۈرگۈچىلەر تەرىپىدىن تەستىقلىنىشى ۋە مۇۋاپىق دەرىجىدە تەھرىرلىنىشى تۈپەيلى، تور بەتتە دەرھال پەيدا بولمايدۇ. سىز قالدۇرغان مەزمۇنغا ئەركىن ئاسىيا رادىئوسى جاۋابكار بولمايدۇ. باشقىلارنىڭ كۆز قارىشى ۋە ھەقىقەتكە ھۆرمەت قىلىشىڭىزنى سورايمىز.

تولۇق بەت