قەشقەر قەدىمىي رايونىدىن 200 مىڭغا يېقىن نوپۇس كۆچۈرۈلىدىكەن

قەشقەر قەدىمىي شەھىرىنى چېقىش كۆلىمى بارغانچە كېڭىيىۋاتقان بولۇپ، شىنخۇا ئاخباراتىدا كۆرسىتىلىشىچە، خىتاي ھۆكۈمىتى مەزكۇر چېقىش قۇرۇلۇشىغا 3 مىليارد يۈەن خىتاي پۇلى مەبلەغ سالغان ۋە چېقىش قۇرۇلۇشىنى ئىزچىللاشتۇرغان.
ﻣﯘﺧﺒﯩﺮﯨﻤﯩﺰ ﺟﯜﻣﻪ
2009-06-08
Share

غەرب مەتبۇئاتلىرىدا قەدىمىي قەشقەرنىڭ چېقىلىشى قەدىمىي مەدەنىيەت ئىزناسىنىڭ يوقىتىلىشى دەپ كۆرسىتىلگەن ۋە ئۇيغۇر جامائىتى ئارىسىدا نارازىلىق پىكىرلىرىنى قوزغىغان ئىدى.

ھالبۇكى شىنخۇا ئاخباراتىدا بېرىلگەن خەۋەردە قەدىمىي قەشقەرنىڭ كوچىلىرى تار، سۇ تۇرۇبا، ئەۋرەز يوللىرى، ئۇچۇر - ئالاقە، ئوت ئۆچۈرۈش قاتارلىق ئاساسى مۇئەسسەسە قۇرۇلۇشىغا توسالغۇ پەيدا قىلغانلىقى ئىلگىرى سۈرۈلگەن ۋە " قەشقەرنىڭ تارىخى مەدەنىيەتلىك داڭلىق شەھەر ئالاھىدىلىكىنى ساقلاپ قېلىشى ئۈچۈن بەش يىل ئىچىدە قەدىمىي شەھەر رايونىنى ئۆزگەرتىپ ئاھالە كۆچۈرۈش ئېلىپ بېرىلىدۇ" دېيىلگەن.

خەۋەردىن مەلۇم بولۇشىچە، قەشقەر قەدىمىي رايونىدا ياشايدىغان 51 مىڭ ئۆيلۈك 200 مىڭغا يېقىن نوپۇس كۆچۈرۈلىدىكەن. نۆۋەتتە چەتئەللەردىكى ئۇيغۇر جامائىتى قەدىمىي قەشقەرنى ۋەيرانچىلىقتىن قوغداپ قېلىش ئۇچۇن چارە ئىزدىمەكتە.
پىكىرلەر (0)

بارلىق پىكىر - بايانلارنى كۆرۈش.

پىكىر قوشۇڭ

رادىئونىڭ ئىشلىتىش شەرتلىرىگە ئاساسەن، پىكىرلىرىڭىز تەكشۈرگۈچىلەر تەرىپىدىن تەستىقلىنىشى ۋە مۇۋاپىق دەرىجىدە تەھرىرلىنىشى تۈپەيلى، تور بەتتە دەرھال پەيدا بولمايدۇ. سىز قالدۇرغان مەزمۇنغا ئەركىن ئاسىيا رادىئوسى جاۋابكار بولمايدۇ. باشقىلارنىڭ كۆز قارىشى ۋە ھەقىقەتكە ھۆرمەت قىلىشىڭىزنى سورايمىز.

تولۇق بەت