Chingxeyde 37 neper bid'et teshkilat pa'aliyetchisi qolgha élindi
2012.12.16
B b s agéntliqining xitay axbarat wasitiliridin neqil élishiche, 12 - ayning bashlirida “ Hemmidin qudretlik ilah” dep atalghan bir diniy teshkilat shining shehiri qatarliq köp jaylarda teshwiqat waraqlirini tarqitip, “Dunyaning axirqi küni yétip kéliwatqanliqi”, peqet “Hemmidin qudretlik ilahqa ishen'gendila qutulup qalghili bolidighanliqi” ni teshwiq qilghan. Xongkongdiki bir teshkilatning bildürüshiche, xitay yéqinda dunyaning axirqi küni yétip kéliwatqanliqigha a'it gep tarqatqan “Hemmidin qudretlik ilah” teshkilatining 50 din artuq ezasini qolgha alghan.
Xewerde éytilishiche, peyshenbe küni xénen ölkisining déngféng rayonida mezkur diniy teshkilatning ezaliri bilen saqchilar otturisida toqunush yüz bérip, ular saqchi aptomobillirini weyran qiliwetken hemde saqchilar on nechche ademni qolgha alghan.
Xitayche“Beydu” qamus töridiki izahatlardin melum bolushiche, “Hemmidin qudretlik ilah” dep atalghan mezkur diniy teshkilati adette “ Sherq chaqmiqi” depmu atilidiken. Bu teshkilat qoyuq siyasiy tüs alghan bolup, xristiyan dinning tarmiqi süpitide pa'aliyet qilidiken, ularning chüshendürüshiche, xitayning xénen olkisidiki “Bir ayal ilah axirqi eysa bolup, xitayning pütün hoquqini qolgha alidiken”.
Bu diniy teshkilat 1990 - yillarda xénen ölkiside peyda bolghan,hazir xitayning bashqa köpligen ölkilirige kéngiyiwatqan iken.