Qirghiz - özbék chégrisidiki oq chiqirishta bir neper qirghizstanliq öltürülgen

“Azadliq” radi'osining xewer qilishiche, 4 - yanwar küni qirghizistan - özbékistan chégrisida özbékistan chégra qoghdighuchilirining qirghizistan puqralirigha qoral ishlitishi netijiside bir adem öltürülgen.
Muxbirimiz ümidwar
2013.01.06
Share on WhatsApp
Share on WhatsApp


Xewerde éytilishiche, özbékistan chégra qoghdighuchi etriti etkeschilik qilish üchün, chégridin qanunsiz ötken qirghizistan puqrasigha oq chiqirip, uni öltürgen hemde shu küni kechte jeset ölgüchining qirghizistan tereptiki tughqanlirigha tapshurup bérilip, ularning héchqandaq erzi - dewasi yoqluqi heqqide xet élin'ghan. Biraq, qirghizistan terep bu weqeni özbékistan terep bilen birlikte tekshüridighanliqini bildürgen.

Emma, qirghizistan dölet chégra idarisi bu munasiwet bilen bayanat élan qilip, özbékistan terepning mundaq qirghizistan puqralirigha oq chiqirish weqelirining tunji qétim emeslikini bildürgen. Özbékistan chégra qoghdighuchiliri mundaq oq chiqirishni amalsizliqtin özlirining hayat bixeterliki üchün qilghanliqini chüshendürgen.

Bu xildiki weqeler ilgiri qazaqistan - özbékistan chégraliridimu yüz bergen idi.

Hazir qirghizistan we özbékistan chégra qoghdighuchiliri ikki dölet chégrisini qattiq qoghdash tüzümi ornatqan bolup, osh we jalal - abad wilayetlirige sozulghan özbékistan - qirghizistan chégrisi sabiq sowét ittipaqi dewride pütünley ochuq idi. Bir a'ile kishiliri we urugh - tughqanlar chégrining her ikkila teripige orunlashqan bolup, ular arisini peqet nami bar, héchqandaq tosaqsiz jumhuriyet chégriliri ayrip turatti. Biraq, musteqilliqtin kéyin weziyet özgerdi.

2010 - Yili osh we jalal abad rayonida yüz bergen özbék - qirghiz toqunushida 100 ming özbék özbékistan tewesige qéchip ketken bolsimu, lékin kéyin ularning hemmisi öz wetinige qayturulghan idi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.