Qirghizistanda parlamént saylimi 10 - öktebir élip bérilidu

Qirghizistan waqitliq hökümiti seyshenbe küni qirghizistandiki parlamént saylimining 10 - öktebir küni élip bérilidighanliqini élan qildi. Qirghizistan prézidénti roza otunbayéwa téxi yéqindila yüz bergen étnik toqunushtin kéyin ottura asiyaning muqimliqni saqlap qélish üchün saylamning zörür ikenlikini bildürdi.
Muxbirimiz irade
2010-08-10
Share

Fransiye agéntliqining xewer qilishiche, roza otunbayéwa bügün élan qilghan qararnamisida hökümettin saylamdin awalqi bixeterlik xizmetlirini yaxshi ishleshni telep qilghan. Qirghiz waqitliq hökümiti bu yil 6 - ayda asasiy qanunida islahat élip bérip, parlaméntqa téximu keng hoquq béridighan bir asasiy qanunni maqullighan idi.

Qirghizistan 4 - ayda sabiq prézidént qurmanbék baqiyéf aghdurulghandin béri parlaméntsiz turmaqta. Uning üstige dölette arqa  - arqilap meydan'gha kelgen toqunushlarda 350 tin artuq kishi ölüp, 400 mingdin artuq kishi öy  - makanliridin ayrilghan idi.

Qirghizistandiki toqunushlarning ayighi hélihem teltöküs üzülmey kelmekte. Qirghizistan dunyada amérika we rusiyining herbiy baziliri teng mewjut bolghan dölet bolup, uning muqimliqi rayon üchün muhim dep qaralmaqta.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet