Qirghizistan prézidénti: biz da'im sowét ittipaqining yimirilgenlikige pushayman qilimiz

Qirghizistanning akipérs agéntliqining xewer qilishiche, qirghiz prézidénti özining yenila sowét ittipaqigha oxshash shekildiki bir iqtisadiy ittipaqning barliqqa kélishige tilekdash ikenlikini izhar qilip,“ Rast gepni qilghanda, biz mundaq bir dölettin ayrilip qalghanliqimizgha köngül xélila yérim we bi'aram bolidu. Biraq sowét ittipaqini eslige keltürüshke bolmaydu, emma biz ortaq iqtisadiy gewde qurup chiqaylaymiz, bizlerni ayrip turghan chégrilarni we tamozhnnilarni élip tashliwételeymiz. Men oylaymenki, eger biz buni qilmisaq, eger biz héch bolmighanda birer iqtisadiy guruhta we bir tamozhna ittipaqida bolmisaq, bizning ata - anilirimiz, atilirimiz, bowilirimiz, anilirimiz bizni hergiz kechürmeydu. Biz mundaq bolushigha yol qoymasliqimiz lazim” dep öz könglini bildürgen.

Qirghizistan prézidénti bu sözni 6 - 7 - iyun künliri béyjingda xitay rehbiri xu jintaw bilen körüshkendin hemde shangxey hemkarliq teshkilatining aliy rehberliri yighinigha qatniship qaytip kelgendin kéyin, 21 - iyun küni sankpétérburgtiki iqtisadiy munber yighinigha qatnishish üchün kelgende éytqan

Melumki, rusiye prézidénti wladimir putin yawro asiya ittipaqi dégen idiyini otturigha qoyghan bolup, u, sabiq sowét ittipaqi jumhuriyetlirini ortaq iqtisadiy gewdige yighishni bildürgen idi. Analizchilar, qazaqistan bilen qirghizistanning bu idiyini qollishi mumkinlikini tehlil qilishmaqta. Atambayéw bu yerde putin bilen körüshti.