Qirghizistanda partilash weqesi yüz bérip ikki neper saqchi yarilan'ghan

Qirghizistan paytexti bishkekte partilash weqesi yüz bérip, ikki neper saqchi yénik halda yarilan'ghan
Muxbirimiz shöhret hushur
2010-11-30
Share

Birleshme agéntliqining bishkektin xewer qilishiche, bügün yeni seyshenbe küni etigende, qirghizistan paytexti bishkekte partilash weqesi yüz bérip, ikki neper saqchi yénik halda yarilan'ghan. Qirghizistan da'iriliri weqeni islamiy qoralliq küchlerning keltürüp chiqarghanliqini bildürgen. Xewerde bildürilishiche, weqe sadir qilghuchilar bishkektiki aliy sot mehkime qorosigha kiridighan yol üstige ora kolap bomba orunlashturghan. Partilash yüz bergen waqit sabiq baqiyéw hökümitining emeldarliri sotqa tartilidighan kün'ge toghra kelgen. Qirghizistan bixeterlik kéngishining mes'uli marat imanqulow weqe sadir qilghuchilarning türkistan islam herikiti teshkilatining ezaliri ikenlikini bildürgen. Qirghizistan dölet bixeterlik idarisining mu'awin bashliqi kölbay musayéw, mezkur teshkilatning qirghizistanda 33 orunni hujum nishani qilip békitkenlikini, buning ichide 8 orunning paytext bishkekte ikenlikini bildürgen؛ u yene mezkur teshkilatning rosiye we özbékistan qatarliq birqanche döletke tewe kishiler teripidin teshkillen'gen térrorchi teshkilat ikenlikini eskertken.

Melum bolushiche bishkekte partilash weqesi yüz bérishtin bir kün awwal, qirghizistannning jenubidiki özbékler merkezleshken sheher ushta, qirghizistan bixeterlik küchliri oshtiki yerlik küchler arisida toqunush yüz bergen. Weqelerning tereqqiyatidin qarighanda oshta milliy toqunush yüz bergendin kéyin, qirghizistanning jenubidiki özbeklerning qoralliq küch arqiliq özini qoghdashqa we yaki qoralliq yol bilen döletke öz iradisini körsitishke uriniwatqanliqi melum bolmaqta.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet