Қирғизистанда өзбек тилида алий мәктәпкә кириш имтиһани елинмайду
2013.02.03
“җумһурийәтлик омумий имтиһани” дәп аталған мәзкур имтиһан түри илгири җумһурийәттики асаслиқ милләтләрниң бири һесабланған өзбекләрниң тилидиму беришкә рухсәт қилинған болса, бу йилдин етибарән әмәлдин қалдурулған.
Қирғизистан маарип министирлики буниң сәвәби сүпитидә имтиһан беридиған өзбек оқуғучиларниң саниниң йилдин йилға азлаватқанлиқи, униң үстигә йәнә қирғизистан алий мәктәплиридә пәқәт русчә вә қирғизчә икки тилда дәрс өтилидиғанлиқини көрсәткән.
Һазир қирғизистанда 256 өзбек тилида дәрс өтилидиған мәктәп бар болуп, буниң бәзилири арилаш мәктәпләр икән. Бу мәктәпләрдә 100 миңдин артуқ бала оқумақта икән.
Қирғизстанниң җәнуби вилайәтлиридә өзбекләр бир қәдәр зич вә көп олтурақлашқан болуп, 2010 - йили, ош вә җалал - абад шәһәрлиридә өзбекләр билән қирғизлар арисида етник тоқунуш келип чиқип, һәр икки хәлқтин көп санда адәм һаятидин айрилған иди. Ош вә җалал - абад вилайәтлиридә өзбекләрниң өз тили вә миллий кимликини қоғдаш идийилириниң күчлүк икәнлики мәлум.