Явропа қирғиз вақитлиқ һөкүмитини кишилик һоқуқни һөрмәт қилишқа чақирди

Явропа бирлики ташқи ишлар министирлири дүшәнбә күни, қирғиз вақитлиқ һөкүмитини қанун билән идарә қилиш вә кишилик һоқуқни һөрмәт қилишқа чақирди.
Мухбиримиз җүмә
2010.04.26

Дүшәнбә күни люксембургда учрашқан явропа әллири ташқи ишлар министирлири баянат елан қилип, қирғизистанда "қанун билән идарә қилиш вә кишилик һоқуқ толуқ һөрмәт қилинидиған" демократик һөкүмәт қурушниң интайин муһимлиқини көрсәтти.

Қирғизистан вақитлиқ һөкүмити өткән һәптә, 27 - июн омумий хәлқ рай синаш һәрикити елип берип, қирғизистан асасий қануниға түзитиш киргүзидиғанлиқини һәмдә бу йил 10 - өктәбир қирғизистанда президент сайлими елип баридиғанлиқини җакарлиған иди.

Явропа бирлики қирғизистан вақитлиқ һөкүмитиниң ишни қанун өзгәртиштин башлап, демократик сайламға асас селиш үчүн җиддий тәйярлиқ көрүватқанлиқидин мәмнун икәнликини билдүрди.

Бу айниң бешида қирғизистан хәлқи кәң көләмлик намайиш қилған вә қурманбек бақийеф һөкүмитини ағдуруп ташлап, вақитлиқ һөкүмәт тиклигән иди.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.