Қирғизистанда мустәқил болғандин кейинки тунҗи су електир истансиси ишқа кириштүрүлди

Қирғизистан дүшәнбә күни мустәқил болғандин кейинки тунҗи су електир истансисини ишқа кириштүрди. Ройтерста көрситишичә, қурулушқа җәмий 200 милйон доллар сәрп қилинған болуп, мәбләғниң бир қисмини русийә тәминлигән.
Мухбиримиз җүмә
2010.08.30

Қирғизистан өткүнчи һөкүмитиниң президенти роза отунбайева, истансиниң рәсмий ишқа кириштүрүлгәнликини җакарлиған. У мундақ дегән: "бу дөлитимизниң гүллинишигә төһпә қошуду. Буниңдики нәтиҗимиз дөлитимизниң мустәқил һалда яшнап кетәләйдиғанлиқиниң намайәндиси."

Мәзкур електир истансиси қурулуши 1990 - йили тохтитип қоюлған болуп, үч йил бурун әслигә кәлтүрүлгән. Мәзкур су електир истансисиниң су мәнбәси мәсилиси бәзи қошна дөләтләрдә җиддийлик пәйда қилидиғанлиқи илгири сүрүлмәктә.

Мәлум болушичә, өзбекистан вә таҗикистанниң бир қисим су мәнбәси қирғизистандин келидиған дәряларға тайинидикән. Әгәр қирғиз даирилири өзидин еқип өтидиған дәряларниң сүйини көпләп ишләтсә, бу, қошна дөләтләрдә су қисқилиқ мәсилиси кәлтүрүп чиқиридикән.

Техи бу йил июнда қирғизистандики өзбекләр билән қирғизлар арисида етник тоқунуш йүз бәргән вә қирғизлар җалалабад қатарлиқ районларда өзбек пуқралирини һуҗум нишани қилған иди.

Мунасивәтлик хәвәрләр
Қисқа хәвәрләр
Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.