Xitay peyziwat nahiyisidin yene bir türküm Uyghur qizlarni xitay ölkilirige yötkidi

Xitay hökümiti 26 - iyun shawgüen weqesi we 5 ‏- iyuldiki ürümchi qirghichiliqidin kéyinmu, Uyghur qizlirini xitay ölkilirige yötkesh siyasitidin yene waz kechmidi.
Muxbirimiz erkin
2009-08-07
Share

Shinxu'a agéntliqining xewer qilishiche, da'iriler aldinqi küni Uyghur ilining peyziwat nahiyisidin yene 189 neper Uyghur qizni xitayning jéjyang ölkisige yolgha salghan.

Shinxu'a agéntliqining bu heqtiki xewiride"bu, ürümchide yüz bergen 5 ‏- iyul weqesidin kéyin shinjangning ichkiridiki ölke - sheherlerge yolgha salghan tunji türkümdiki ishlemchiler" ikenlikini ilgiri sürgen. Xitay da'irilirining Uyghur qizlirini ichkiridiki ölke - sheherlerge yolgha sélish siyasiti Uyghur jem'iyitining qattiq ghezipini qozghighan mesililerning biri bolup qalghan idi.

Bu siyaset shawgüen weqesining kélip chiqishigha shundaqla shawgüen weqesi 5 - iyulda ürümchi qirghinchiliqining yüz bérishige sewebchi bolghan idi.

Peyziwat nahiyilik partkom da'irilirining ashkarilishiche, 5 - awghust küni jéjyanggha yolgha sélin'ghan bu Uyghur qizlar bu yil kirgendin buyan mezkur nahiyidin xitay ölkilirige yolgha sélin'ghan 23 ‏- türkümdiki ishlemchiler iken. Shinxu'a agéntliqi bu yil kirgendin buyan, mezkur nahiyidin jem'iy 4300 neper ishlemchining ichkiridiki 7 ölkige yolgha sélin'ghanliqini, yéqinqi 3 yilda yolgha sélin'ghanlarning 19 ming adem qétimgha yetkenlikini bildürgen.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet