Xitay ölkilirige yötkelgen emgekchiler sani 240 minggha yetken

Shinxu'a agéntliqining xewer qilishiche, bu heqtiki melumatlar mezkur kitabning "shinjangdiki tereqqiyat we yüksilish" namliq qismida otturigha qoyulghan. Kitabta bular xitaydiki puqralarning sheher atlap olturaqlishish we xizmet qilishi erkinliki süpitide körsitilgen bolsimu, emma Uyghur déhqan emgekchilirining xitay ölkilirige pilanliq yötkelgenliki heqqide toxtilinmighan.

2004 - Yilidin buyan xitay yerlik hökümiti Uyghur élide " emek küchlirini sirtlargha yötkesh siyasiti"ni kücheytip élip barghan we asasliqi Uyghur qizliridin teshkilligen ishlemchiler qoshunini xitayning déngiz boyi rayonliridiki zawutlargha yötkigen idi.

Biz igiligen xewerler we radi'omizgha kelgen melumatlargha qarighanda, Uyghur élidin xitay ölkilirige yötkelgen emgekchiler xitay zawutlirida her xil depsendichiliklirige duch kelgen. Netijide mezkur siyaset Uyghurlar arisida naraziliq qozghighan. Uyghur siyasiy pa'aliyetchiler " 5 - iyul ürümchi namayishi"ning seweblirining birining xitayning Uyghur élide yürgüzgen "emek küchlirini sirtlargha yötkesh siyasiti" ikenlikini otturigha qoyushmaqta.

26 - Iyul shawgu'en shehiridiki bir oyunchuq zawutidiki toqunushta xitaylar ikki Uyghurni öltürgen bolup, netijide bu 5 - iyul ürümchi namayishigha seweb bolghan amillarning birige aylan'ghan idi.