Bu yil qobul qilinidighan qosh til oqutquchiliri yéza mektepliride 3 yil ishleydu

Yéqinda Uyghur aptonom rayonluq ma'arip nazariti uqturush chüshürüp, bu yil qobul qilinidighan 17 ming neper qosh til oqutquchisining awwal belgilen'gen mekteplerde mulazimet qilghandin kéyin, resmiy oqutquchiliqqa qobul qilinidighanliqini bildürgen.
Muxbirimiz méhriban
2012-08-31
Share

Uyghur biz tor békitining uchuridin melum bolushiche, da'iriler uqturushta, bu oqutquchilarning alahide shtatliq oqutquchi nami bilen belgilen'gen yéza mektepliride 3 yil mulazimet qilidighanliqi, andin ulardin imtihan élinip, netijisi layaqetlik bolghanlarning resmiy shtatliq mekteplerge oqutquchiliqqa teqsim qilinidighanliqi uqturulghan.

Uyghur aptonom rayon da'iriliri 15-awghust küni yighin échip, qosh til ma'aripi derslikini tüzitish xizmitining bashlan'ghanliqini élan qilghan. Emma, qosh til ma'aripi derslikige tüzitish kirgüzüsh qararining élin'ghanliqi toghrisida izahat bermigen idi.

Xitay da'irilirining Uyghur élide qosh tilliq ma'arip namidiki "Ma'aripni xitaychilashturush"siyasitini yolgha qoyushi, Uyghurlarning naraziliqini qozghap kelmekte. Chet'ellerdiki Uyghur teshkilatliri we ziyaliyliri xitay hökümitini Uyghur tilini assimilyatsiye qiliwatidu dep eyiblise, Uyghur élidiki ata-anilar we ziyaliylar bu qilmishni Uyghur ana til ma'aripini ajizlashturushqa urunush, Uyghur tilini ma'ariptin siqip chiqirish meqset qilin'ghan heriket dep eyiblimekte.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet