Washin'gton etrapidiki Uyghurlar birlikte qurban héyt ötküzdi
2010.11.21
Wirginiye shtatining fe'irfakis shehirige jaylashqan amérika- türk dostluq jemiyitining zalida ötküzülgen bu pa'aliyetke wirginiye, mariland we bashqa shitatlirida yashaydighan Uyghur jama'itidin 100 din artuq adem qatnashqan bolup, köpchilik bir yerge jem bolup, bir-birining qurban héytini tebriklidi .
Pa'aliyet jeryanida amérika Uyghur jemiyitining rehberliri köpchilikning qurban héytini tebriklesh bilen birge mana mushundaq jama'etning da'im bir yerge jem bolup uchriship turush, perzentlerni uchrashturup, ularni bir-biri bilen dostlashturush qatarliq pa'aliyetlerning jama'etning birliki we ittipaqliqini ashurush hemde milliy kimlikini saqlashta paydiliq ikenlikini tekitlidi.
Amérikidiki Uyghurlarning sanining köpiyishige egiship, ularning kolléktip pa'aliyetlirimu köpiyishke bashlighan idi. Buningdin bir hepte ilgiri , yeni 12-noyabir küni washin'gton etrapini öz ichige alghan amérikining sherqiy qirghiqidiki bir qisim Uyghurlar bir yerge jem bolup, 1933-yili, we 1944-yili, 12-noyabir künliri qurulghan sherqiy türkistan jumhuriyitini xatiriligen idi.