Рабийә қадир ханимниң сүрити хәлқ тиятирханисиниң дәрвазисиға есип қоюлған

Дуня уйғур қурултийиниң баянатчиси бүгүн истансимизға, уйғур миллий һәрикитиниң рәһбири, дуня уйғур қурултийиниң рәиси рабийә қадир ханимниң чоңайтилған бир парчә сүритиниң, үрүмчи шәһириниң мәркизигә җайлашқан хәлқ тиятирханисиниң ян тәрәптики чоң ишикигә тақап қоюлғанлиқини, буниңдин даириләрниң қаттиқ сарасимигә чүшкәнликини билдүрди.
Мухбиримиз әқидә
2008-10-02
Share

Д у қ баянатчиси дилшат решит әпәндиниң ейтишичә, хитай дөләт байриминиң һарписида рабийә қадир ханимниң сүрити, хәлқ тиятирханисиниң ян дәрвазисиға тақап қоюлған болуп, вәқә садир болиши билән тәң сақчи тармақлири җидди һәрикәткә өтүп, бу һәқтә ахтуруш вә сүрүштүрүш хизмитини башливәткән.

 Дилшат решит өзиниң бу һәқтә ишәнчилик мәлуматқа еришкәнликини билдүрүп, нөвәттә һөкүмәтниң барлиқ фото сүрәтханилар шуниңдәк гуманлиқ кишиләр үстидин җидди тәкшүрүш елип бериливатқанлиқини ашкарилиди.

Истансимиз мухбири, тиятирханисиниң аманлиқ ишлириға мәсул хадимиға һәмдә хитайчә " нәнгуән " дәп атилидиған сақчи понкитидики сақчи хадимларға телефон уруп, мәзкур вәқәниң йүз бериш җәрянини соридуқ. Һәр икки киши бу тоғрулуқ бизгә ениқ ипадә билдүрмиди.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт