Rabiye qadir xanimning süriti xelq tiyatirxanisining derwazisigha ésip qoyulghan
Muxbirimiz eqide
2008.10.02
2008.10.02
D u q bayanatchisi dilshat réshit ependining éytishiche, xitay dölet bayrimining harpisida rabiye qadir xanimning sür'iti, xelq tiyatirxanisining yan derwazisigha taqap qoyulghan bolup, weqe sadir bolishi bilen teng saqchi tarmaqliri jiddi heriketke ötüp, bu heqte axturush we sürüshtürüsh xizmitini bashliwetken.
Dilshat réshit özining bu heqte ishenchilik melumatqa érishkenlikini bildürüp, nöwette hökümetning barliq foto süretxanilar shuningdek gumanliq kishiler üstidin jiddi tekshürüsh élip bériliwatqanliqini ashkarilidi.
Istansimiz muxbiri, tiyatirxanisining amanliq ishlirigha mes'ul xadimigha hemde xitayche " nen'gu'en " dep atilidighan saqchi ponkitidiki saqchi xadimlargha téléfon urup, mezkur weqening yüz bérish jeryanini soriduq. Her ikki kishi bu toghruluq bizge éniq ipade bildürmidi.